Детские песни на мелодии Якуповой Гульнары Раисовны. Уникальность сборника в том, на диске так же имеются караоке-версии (минусы), а в красочном буклете, который прилагается к альбому, имеются тексты всех песен.
+18 караоке песен
Аранжировщик Әнәс Мәрданшин
Сарман буйларында кошлар сайрый,
Сарман буйларында тирәктә...
Әнә шулай дип җырлыйлар безнең төбәк турында. Сарманлыларның тирәгендә генә түгел, йөрәгендә дә сандугач сайрый, район туграсына да юкка гына сары сандугач кунакламаган. Бездә сабыйлар да елап түгел, җырлап туадыр.
Шундыйларның берсе бу китапка тупланган җырларның көй авторы - Сарман кызы - Голнара Рәис кызы Якупова. Казан дәүләт педагогия университетының музыка факультетын тәмамлаганнан бирле балалар белән эшли, татар җырына, моңына мәхәббәт тәрбияли, җырлар аша сүз тәмен, көй ямен белергә өйрәтә.
Нәниләрне бик тә яратуы, аларның, нечкә күңелен яхшы аңлавы аның язган һәр җырында тоемлана. Күкрәп торган ямь-яшел җәйге табигать, бүләкләр өләшеп йөрүче яз, өрфиядәй жиңел зәңгәр һава, бәллүр бизәкле кыш аһәңнәре... Табигатьнең шушы муллыгын күңел түрләренә салып, әле хәзергә тылсымлы мизгел - балачакта яшәүче нарасыйлар... Шушы гүзәллек белән рәттән Ватан, туган җир, эти-әни, мәктәп, белемгә мәхәббәт турында да автор җитди уйлана, уңышлы әсәрләр яза.
Гөлнара Якупованың җырлары тематикасы киң, кәйләренең яңгырашы, аһәңе төрле, шактый катлаулы, аларның күбесе 2-3 тавышка язылган. Аның шәкертләре укытучыларының иҗат җимешләрен район гына түгел, республика күләмендә тамашачыга җиткерәләр, төрле конкурсларда катнашып, алдынгы урыннар алып, Сарман сәнгать мәктәбе данын күтәрүдә саллы өлеш кертәләр. Яшь композиторның җырларын республикабыздагы балалар бакчаларында, мәктәпләрендә, мәктәптән тыш тәрбия бирү учреждениеләрендә яратып җырлыйлар.
Гөлнара җырның сүзләренә бик таләпчән. Бу аңлашыла да. «Бала күңеле - пыяла, саксыз тисәң, уала» - диләр. Җыр бит ул бик көчле тәрбияче, аның һәр сүзе урынлы, аңлаешлы, шигыре камил рифмалы булып, үзе җырга соралып торырга, йөрәккә тәэсир итәрлек булырга тиеш.
Сарман төбәгенең талантлы сандугачы Г.Р.Якупованың икенче китабы дөнья күрә. «Сарман юллары» җыр җыентыгы бик тиз таралып бетте, Р.Нэгыймов, Р.Гатауллин, В.Әхмэтшин кебек танылган композиторлардан югары бәя алды. Яшь композиторның яшь башкаручылар өчен язылган эле дулкынлы, әле дәртле агышы, ихлас хисләр белән өретелүе «Тылсымлы мизгелдә» дә сезне җыр дөньясына дәшәр, тылсымлы мизгелләр бүләк итәр, дип ышанам. Әнисенә ияреп, җырлар яза башлаган кызы Алинәнең өч җыры да сезнең күңелләргә хуш килер.
Мондый өметле яшь үсентеләр булганда Сарман төбәге талантларга саекмас, балалар үз телен, үз җырын, үз моңын тыңлап, җырлап үсәр.
Вәсимә Хәйруллина, Россиянең атказанган укытучысы, Татарстан язучылар берлеге әгъзасы
|
| ||
Рецензию могут написать только авторизованные пользователи.
 |
